TVB記招扮姜濤惹海量批評 涉事人道歉滅火



資料圖片:網上


3月24日TVB舉行記者會向外界介紹九大新綜藝節目,記招上找來鄧智堅扮演本土組合MIRROR成員姜濤,更自稱為「姜蓉」,引起不少批評。


記者會上,鄧智堅「薑蓉」身份扮演MIRROR姜濤,更跳住舞唱出姜濤的《蒙著嘴說愛你》歌詞「So I say I love you」,麥美恩見狀便搞笑地說:「收聲啦!」而馮盈盈則說:「你夠膽嚟踩場?打到你變姜蓉!」Bob 在旁大喊:「打佢!噍佢!」。連日來大批姜濤fans(姜糖)到各人社交網留言炮轟。不少網民批評指, TVB「創意」百年如一日,依舊停留「扮明星」「醜化歌星」之流,形容片段「過時、低質、尷尬又肉酸」。


事後涉事人紛紛發文道歉。


藝人Bob 於社交媒體向發文姜濤、姜糖及網民致歉:「收到各位嘅意見,亦明白大家嘅感受。如果我嘅行為同言論令到任何人唔開心,我衷心同各位講聲唔好意思,對唔住。亦向姜濤同其他支持佢嘅朋友及粉絲表示,我為我一時衝口而出嘅不當說話令人有唔好嘅感受,感到十分抱歉,我亦會好好檢討我日後嘅言行。」


馮盈盈亦貼出與姜濤的合照,解釋稱自己為姜糖:「呢個moment我要爆喇﹗其實我嘅真正身份係追星族,我一邊努力撲緊Mirror演唱會飛,一邊努力捍衛姜B喺我心目中嘅形象。嗰啲什麼姜蓉!?就算再扮得幾盞鬼,就算再向我姜B致敬,就算香港人再多幽默感,都接受唔到囉﹗今晚我實打多兩碗姜蓉撈飯食,咁先吞得落呢啖氣。無咩事嘅話我出番去撲飛,有無人有多3張Mirror演唱會飛俾我?我助手同佢朋友都想睇。#3張Thx #2018年12月13日第一次合照 #2019年4月19日再為你歡呼


TVB董事局主席許濤近日親自撰文宣布曾志偉同王祖藍即日正式回巢,當中王祖藍將出任首席創意官,協助副總經理曾志偉,主攻綜藝節目。


0 comments
  • Facebook
  • YouTube
  • Instagram

承印人:Cupid Producer Office Limited

​地址:九龍尖沙咀加連威老道77-79號開麟中心11樓全層